|  Facebook  |  微博  |  電子郵件  |​  QQ  |​

所有資料版權歸Wopop所有

@MacauStars

説起澳門，您想起甚麼？

澳門E一個地方真係一個好神奇嘅地方，只要一提到澳門，您嘅第一印象可能就係「博彩業」，難聽D就叫做「賭」。博彩業係澳門經濟嘅龍頭大佬，甚至連旅遊業都係由博彩業帶起嘅，不過，其實博彩業一直破壞緊我哋澳門嘅旅遊形象，但係我哋澳門又真係需要靠佢喎，咁都冇辧法啦！所以我哋為咗提升澳門嘅美譽度同埋旅遊形象，我哋有理由需要喺澳門搞明星業，而且仲要依靠旅遊業從而改變澳門嘅旅遊形象。

澳門嚴重缺少本地歌手

•喺80年代或之前出世嘅澳門人，主要聽嘅歌都係香港歌曲，由於當時澳門人嘅語言唔發達，聽得明嘅歌曲都係廣東話，所以就唯有聽香港嘅歌曲，後來到咗90年代或以後出世嘅年輕人，由於網絡發達，我哋經常可以喺網上揾歌睇片，特別係受到日本動畫同埋韓劇嘅影響，因此E一代人好容易會受到日本同埋韓國嘅歌曲影響而不斷減少聽香港嘅歌曲，甚至訪問E一代嘅年輕人，佢哋會話「吓！我都係聽韓國(日本)歌星嘅歌多，根本就對香港歌星嘅歌冇興趣(甚至冇聽過)」，就係因為咁樣，我哋所聽嘅音樂都係傾向於外國，而我哋廣東話流行歌曲嘅創作同埋會有人主動去唱嘅都越嚟越少。
•亦因為澳門學校嘅音樂教育唔多強，當時90年代出世嘅小朋友喺學校冇被特別去訓練唱功，直到佢哋都好大個嘞，如果您叫佢去唱歌，咁肯定大部份嘅90年代後生仔女都好怕醜，又話自己把聲好難聽，根住又揾D藉口又話E樣又話戈樣，所以咁樣真係顯得我哋澳門人嘅唱功非常之唔得，仲要講話澳門歌手，真係非常之難揾。
•所以，如果您認為您把聲係唔錯嘅，咁您就快D衝出嚟唱吓歌，為澳門嘅唱歌人才生產打打氣啦！

唱歌可以​改善睡眠品質

​唱歌亦都係一種運動之一，因為唱歌要張大個嘴，有助於咬字更清楚，亦牽動臉部肌肉嘅運動。英國就有研究指出，唱歌可以強化喉嚨同埋顎部肌肉，有助於減緩打鼻鼾、減少呼吸中止症，改善睡眠品質。

唱歌可以緩解「便秘」​

●因為我哋長時間唱歌或者練歌嘅時候，就會用到「腹式呼吸法」嚟鍛鍊腹肌，當腹部用力嘅時候就會刺激到腸胃蠕動，所以唱歌可以舒緩便秘嘅困擾。如果您有慢性便秘，不妨就多多唱歌吧！

●便秘嘅診斷標準判定

患者未服用瀉藥嘅情況下，喺過去12個月中嘅任何12周內至少出現下列兩種情況：

•每週少於3次排便

• 25%以上嘅排便中出現糞便硬結

• 25%以上嘅排便中感覺到排便不盡感

• 25%以上嘅排便中感覺到排便費力

• 排便時需要手指輔助

澳門總體人口接收澳門本地歌舞藝人消息的主要網絡平台​

(結果係靠抽樣調查所​得)

冠軍依然係Facebook，可惜佢唔係新一代人嘅市場，如果我哋再唔快D向新一代嘅人激活澳門歌舞藝嘅文化，咁澳門嘅歌舞藝文化將會滅亡，而過去嘅澳門本地作品慢慢就變成經典，或者徹底咁比我哋遺忘！

另外，為咗可以將澳門嘅歌舞藝人同埋作品推到內地市場，今日起我哋會尋找更多內地嘅網絡社交平台做宣傳，宜加澳門好多嘅文化內地都吸收唔倒，而如果您有外哋嘅常用網絡社交平台建議就非常歡迎您提出。

唱歌可以釋放「天然的鎮痛劑」

●當一個人唱嘹亮嘅歌曲就會產生【腦內啡】 (Endorphin)，佢嘅結構類似麻醉劑中嘅嗎啡，而因為佢係由人體產生嘅，咁就冇嗎啡嘅副作用，同埋唔需要有成癮嘅疑慮，所以腦內啡又被稱為「天然嘅鎮痛劑」。

●佢對我哋帶嚟嘅作用真係好值得我哋注意：

•緩解痛苦

•減少壓力

•平靜情緒

•增加創造力

•增強意願及記憶

●腦內啡除咗有以上嘅作用，仲可以減少【多巴胺】(Dopamine)嘅分泌量過度，當多巴胺分泌量過度就會有工作過勞嘅情形發生，亦可能會引發精神分裂症、妥瑞氏症等。而腦內啡喺E一點就可以幫您帶走疲勞。 

●另外，有研究顯示，食朱古力同埋辣嘢，仲有長跑E一類具長時間、連續性或者中量至重量級嘅運動都可以分泌腦內啡，但係如果您對朱古力敏感，唔食得辣，跟住又冇咁多時間做戈D運動，咁唱歌真係您最好嘅辦法。

體育課改革計劃

為咗培養小朋友跳流行舞嘅興趣，我哋強烈建議學校改革以及教青局支持，將體育科分為兩科，變為【體育+流行舞】，亦即係【PEPD計劃】(Physical Education Pop Dance)，而加澳門人鍾意運動嘅兒童及青年越嚟越少，一日都黑都係故住挽電子設備，據體育局為本澳6~22歲嘅兒童及青少年體質監測數據顯示，未來澳門地區出現超重及肥胖人群迅速擴大嘅可能性較大，如果小朋友可以聽住流行或者好聽嘅音樂，跟隨住導師去跳流行舞，咁樣跳流行舞將可能成為小朋友嘅興趣，小朋友一到流行舞堂就會盡興咁跳，對超重同埋肥胖問題都有一定嘅幫助。

而實行方面，建議先為小學或以下階段兒童實行，因為年紀較大嘅學生從小時比較少接觸舞蹈，當您一叫佢去做時佢又怕羞，又話自己冇能力，所以從越小嘅年齡階段小朋友入手就越容易實行。

唱歌改善「柏金​遜症」​

●美國愛荷華大學（Iowa State University）針對「柏金遜症」病人進行唱歌治療，經過8個星期之後，佢哋嘅發聲音量、維持音準同埋吞嚥控制都有顯著嘅進步。

●2015年，全球約有620萬人患有柏金遜症，仲造成超過11萬人死亡。柏金遜症通常都係發生60歲以上嘅老人，其中男性較女性容易得到柏金遜症。如果患者係小於50歲發病，咁就稱為「早發性柏金遜症」。柏金遜症確診後預期壽命只得返7－15年。

●柏金遜症十大警訊 

•靜態顫抖 •關節僵硬 •走路碎步 •字體變小

•關節痠痛 •面具臉  •行動遲緩 •平衡困難

•講話小聲 •刷牙穿衣困難

您能説出多少個澳門本地明星？

由於澳門係一個賭城，主要嘅經濟來源都係來自賭收，其次就係旅遊業，喺2008年澳門嘅【人類發展指數】(HDI)為0.94，係全球排名第21位，加上澳門嘅社會福利相對完善，包括強制同自願供款結合嘅社會保障基金、15年免費教育、在學及老人享有公立醫療機構嘅免費醫療服務、老人享有政府發放的敬老金等，所以澳門人喺澳門生存真係非常容易，總體失業率亦都非常低，為咗一餐半餐而煩惱嘅人真係唔多，正因為咁樣，就慢慢令到澳門人毫無挑戰性，無論大人小朋友都係一樣，每日都掛住打機上網懶喺屋企，連運動量都非常不足，搞到我哋好少人會去發掘自己嘅演藝、跳舞、唱歌等才能，所以澳門嘅明星真係非常少，就算有，都唔係喺澳門構建娛樂圈從而喺澳門發展，而係走曬去香港發展，仲要喺香港出名嘅澳門明星都唔多，所以，我哋澳門人要衝出去，努力發掘自己嘅才能，唔好日日都哩埋喺屋企啊！

澳門那裏有明星？

澳門究竟邊喥有明星呢？好似好收收埋埋咁喎！快D幫我哋手，一齊發掘澳門明星啦！歡迎您遞交佢嘅相關資料比我哋！例如佢唱過D咩歌、跳過D咩舞、創作過D咩音樂同埋拍過D咩劇等。亦都歡迎您提交您自己嘅一D戰績資料同埋投稿比我哋，唔好再收收埋埋啦！

.

最重要嘅係我哋澳門人一直都被人睇死我哋藝術涵養唔高，成日都唔出人，我哋要快D鹹魚大翻身啦！話比全世界知道，我哋澳門人係得嘅！​

澳門人對地方明星需求

澳門總體人口對5個最鍾意嘅地區明星嚟排名，鍾意香港嘅明星係排名第2，由於喺80年代或之前出世嘅澳門人較多，識得嘅語言又唔多，亦未有咁多網上同埋電視上嘅外國明星資訊比倒我哋澳門人，而香港就係同我哋澳門有共同語言，加上我哋戈陣時一直喺喥接觸無線，咁所以鍾意香港嘅明星排名較高係非常應該嘅。

澳門明星資料收集處

因為澳門有咩明星都好似冇咩人知咁！咁我哋為咗加強我哋澳門人對我哋澳門本地明星嘅認知，咁我哋需要共同收集澳門本地明星嘅資料，希望可以收集咗之後好好咁傳播開去，為求令全澳門人甚至全世界都知我哋澳門係有明星，而且仲要比人知道我哋澳門嘅明星係非常之有實力嘅！大家一齊加油啦！快D一齊搜集同埋收集資料啦！

澳門連本地街頭藝人也沒有嗎？

我哋澳門人一直被認為藝術涵養極之低，就連街頭藝人都唔多覺有，正因為咁樣，喺2016年，【澳門文化局】為咗推動我哋澳門人參與文化藝術，就為本地藝文工作者拓建咗表演平台，只要您有一定嘅藝術表演能力，再申請一張「藝遊人咭」，咁樣就可以合法咁喺澳門嘅一D指定街道上表演。

.

可惜，直到現時為止，澳門本地嘅街頭藝人都好似好少咁，再加上近排疫情關係，您可以見倒澳門嘅街頭藝人就更加少，而且澳門嘅街頭藝人亦都好少被我哋認識，所以大家快D一齊收集澳門本地嘅街頭藝人資料，一齊擴大澳門嘅藝術文化圈，一齊促進澳門E一個世界旅遊休閒中心嘅建設吧！

.

另外，如果您想喺澳門嘅一D街道上做街頭演藝，想好好咁表現自己，咁您就快D Click入去下邊E個網址申請「藝遊人咭」啦！咁樣就可以合法咁喺澳門嘅一D指定街道上表演啦！

.

藝遊人咭申請：https://www5.icm.gov.mo/busking/2016/form.aspx

唱歌可以增強人體的免疫功能

●好多病人感染「併發呼吸道感染」都係因為抗體嘅一種分泌型【免疫球蛋白A】（簡稱：IgA）降低同埋缺乏有關。如果出現反復嘅「慢性支氣管炎」、「胃腸道疾患」都經常同IgA缺乏有關。

●而美國加州大學研究發現，唱詩班嘅成員喺每次排練之後，佢哋體內嘅一種抗體IgA含量增加咗150%，而喺一次公開演出之後，IgA更增加咗240%。

●就算係從來都冇經過聲樂訓練嘅長者，亦可以通過唱歌得到實際益處，堅持唱歌嘅長者去醫院睇病同埋食藥嘅次數更少，亦都冇咁容易跌倒。

●IgA分為 [血清型] 同埋 [分泌型] 兩種：

•血清型IgA存在於血清當中，血清IgA具有某部份IgG同埋IgM嘅免疫功能，特異性IgA可以中和血液中嘅抗原，同時亦出現替代性補體免疫系統。IgA佔血清免疫球蛋白嘅10～20％，IgA係存在於粘膜組織(例如呼吸道、消化道仲有泌尿生殖系統)，黏膜組織具有黏膜層淋巴組織，會製造出IgA以避免遭到病原嘅入侵。

•分泌型IgA存在於分泌液中(例如口水、眼水同埋乳汁當中均含有IgA抗體)，分泌型IgA係身體局部黏膜抗感染免疫嘅主要抗體。

唱歌可以釋放「荷爾蒙」

●調節能量平衡：催產素可以促進脂肪酸β氧化，從而得到分解脂肪嘅效果(E一點，睇嚟好多人都想吧！哈哈哈~~~)

●加速傷口癒合：催產素被認為係調節降低某D細胞因子嘅炎症，所以增加催產素嘅釋放可以加速傷口嘅癒合。

●減少焦慮：催產素可以喚起人知足嘅心情，減少焦慮。

●催產：催產素嘅釋放仲可以為孕婦收縮子宮，促進分娩。

●催乳：催產素嘅釋放除咗可以為孕婦收縮子宮，仲可以刺激佢乳頭，促進乳汁產生，有助母乳餵養，令BB食得滿足。

唱歌能增強呼吸功能

●唱歌同埋練聲都可以擴大肺活量，提高呼吸功能。經過統計，一般成年男性嘅肺活量係3500毫升左右，成年女性嘅肺活量係2500毫升左右，而經常歌唱嘅人士肺活量通常都係4000毫升左右。所以唱歌係一種提高呼吸功能嘅好辦法。而如果您發聲時再講究運氣調神，呼吸均勻再深長D，對肺活量擴大嘅效果更強。

●肺活量可以顯示一個人嘅心肺功能，肺活量大嘅人，身體供氧能力更強。肺係氣體交換嘅中轉站，機體運轉每時每刻都需要消耗氧氣，只有喺供氧充足嘅情況下，各個器官先可以正常工作。同時，身體代謝產生嘅二氧化碳，亦都要通過肺部排出體外。所以肺活量大，吸入氧氣同埋排出廢氣嘅能力都更強。

●喺長時間學習或者體育運動時，人體需要大量消耗氧氣，E個時候肺活量大嘅人好少會出現注意力唔集中、頭暈、胸悶等現象。喺高原等缺氧嘅狀態下，肺活量大嘅人可以令更多嘅新鮮空氣到達肺泡，從而喺低氧嘅環境下獲得足夠嘅氧氣。肺功能強嘅人呼氣、吐氣能力強，控制聲音嘅能力亦更強，可以講，肺功能強可以令人大腦更靈活，身體更健康。